El Ca sauvag’

Une rencontre improbable, un léopard et un rossignol qui chante au bois

En patois, 15 minutes, Atelier d’écriture Solid’Ailes.

Chéto à la’brène entre kien et leu, juste à l’tcheu del forêt ed Mormal dinch’nord, doù k’ les baratchins pour el ducasse et ché z’allumoirs i sont..

In ne le croro nin comme cha mais qu’in t’es ach pleine lune, mi ech’vos des luciols, des elfs, des fées, m’ femme elle dit que et j sus poête et pis ech coup ci un léopard ou een espèce ed gros ca sauvage.

Mais qu’i éto bio ! Mais qu’i éto bio !

Ch’to een mervelle d’l’nature

Un truc où qu’te  dit qu’cha vaut el coup d’ête encore in vie et ed vir cha.

J’me sus même dit qu’un truc parel bin Simone qui m’fait toudis des r’montrances et des carabistoules pour aller ach l’eglise pi à Lourdes dans ché Pyirénées, bin que j’ly diro bin ouai après un miraq’ parel.

Donc, me vlà en train ed reluquer ch’ bête sous toutes ché coutures et ch’ bête ed me zouler parel.

In n’étot nin loin, l’un ed l’autre, in s’obesvot, dans ch’ bo monde in diro que : ‘ j’ai eu une rencontre improbable’, mi j’dis plus simplement j’étos à la bonne place à ch’ bon momint.

J’ é’reconno et je n’ faiso nin el fortiche quand même, dins m’tiêt j’ me disos « cha do bin griffer une bestiole ainsi » et min cœur i  faisot plutôt el brindzing pendant et qu’ mes gambes elles flagelottent à nin savoir si elles allotent em lâcher, faire een dins ed St Gui ou een carmagnole.

j’ avos ed l’eau dans min dos qu’in se se s’rot cru sous vak qui pisse.

Che là que je me sus souvenu de toute em vie qui a defilé ed devant mes zils, m’n’enfance dans ch’ courée, pis l’usine, pis che ptit bal d’où q’ j’ai rencontré em femme et puis mes gosses, pis leur gamelle à vélo pis ché frites à l’ mayonnaise qui guile, qu’in s’en met plein les dogts pis qu’in suce in s’marrant entre deux bières en jouant aux bourles.

Pis Jean, pis Firmin, pis mes copains ed bistoule du matin avant ed partir à l’pék…. pis ch’l’odeur ed pain et d’puding et d’ gâteau ed riz de m’ grand mère….

Enfin té l’auras compris j’ai vu em vie qui défilot

pis là té le croros si té veux, un osio qui ché mi à canter, et pi et ch’ ca i a disparu dans ch’ bois !!!!

Crédit photo : james-lee-r4aGzpCIeL0-unsplash